ព័ត៌មានជាតិ

រថយន្ដកូរ៉ូឡាឈប់ចាំភ្លេីងស្តុប ត្រូវរថយន្ត លុចស៊ីសCT 200hបុកពីក្រោយ

រថយន្ដកូរ៉ូឡាឈប់ចាំភ្លេីងស្តុប ត្រូវរថយន្ត លុចស៊ីសCT 200hបុកពីក្រោយ ភ្នំពេញៈរថយន្តលុចស៊ីសCT200hស្លាកលេខ ភ្នំពេញ 2BD 8002 បើក្នុងទិសដៅស្របគ្នាលឿនជ្រុលទៅបុុកពីក្រោយរថយន្តកូរ៉ូឡាដែលកំពុងឈប់រង់ចាំភ្លេីងស្តុបបណ្តាលឲ្យរងការខូចខាត ។ ហេតុការណ៍នៅវេលាម៉ោង ៦និង៥០នាទីព្រលប់ ថ្ងៃទី៣០ ខែឧសភា ឆ្នាំ២០២៤ ចំនុចស្តុបផ្សារច្បារអំពៅ ផ្លូវជាតិលេខ១កែងផ្លូវ៣៦៣ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ ។   ក្រោយពេលកេីតហេតុសម្របសម្រួលពីសមត្ថកិច្ចជំនាញ ភាគីទាំង២បានសម្រួលគ្នាម្តងទៀតរថយន្តកូរ៉ូឡាទារសំណង១០០០ដុល្លារ តែខាងរថយន្តលុចស៊ីសសុំសង៤០០ដុល្លារ ដេីម្បីបញ្ចប់រឿងនៅកន្លែងកេីតហេតុ៕

ព័ត៌មានជាតិ

ចាប់បានហើយ ឃាតករ ដែលចាក់សម្លាប់ ថៅកែលក់គ្រឿងសំណង់នៅខេត្តឧត្តរមានជ័យ ប្លន់យកគ្រឿងអលង្កា

ចាប់បានហើយ ឃាតករ ដែលចាក់សម្លាប់ ថៅកែលក់គ្រឿងសំណង់នៅខេត្តឧត្តរមានជ័យ ប្លន់យកគ្រឿងអលង្កា ខេត្តសៀមរាប ៖ អាវុធហត្ថខេត្តសៀមរាប ចាប់ខ្លួនជនសង្ស័យ ករណីប្លន់សម្លាប់ថៅកែគ្រឿងសំណង់ នៅ ខេត្តឧត្តរមានជ័យ បាន២នាក់។ ប្រតិបត្តការនេះ ធ្វើឡើង កាលពីយប់ថ្ងៃទី២៦ ខែឧសភា ឆ្នាំ២០២៤ នៅចំណុចភូមិស្ពានក្អែក ឃុំកណ្តែក ស្រុកប្រាសាទបាគង ខេត្តសៀមរាប។ ជនសង្ស័យ ១-ឈ្មោះទ្រី សុជា ភេទស្រី អាយុ២៨ឆ្នាំ មុខបរគ្មាន រស់នៅភូមិលលៃ ស្រុកប្រាសាទបាគង ខេត្តសៀមរាប។ ២-ឈ្មោះ អ៊ន់ ប៊ុនឡុង ភេទប្រុសអាយុ១៧ឆ្នាំ មុខរបរសិស្ស រស់នៅភូមិស្ពានក្អែក ឃុំកណ្តែក ស្រុកប្រាសាទបាគង ខេត្តសៀមរាប៕

ព័ត៌មានជាតិ

តាមរយៈ App Nodrug សមត្ថកិច្ចឃាត់ជនសង្ស័យ ១៩នាក់ ករណីប្រើប្រាស់គ្រឿងញៀន នៅផ្ទះសំណាក់ «យីហោសួស្តី» សង្កាត់ស្រះចក

តាមរយៈ App Nodrug សមត្ថកិច្ចឃាត់ជនសង្ស័យ ១៩នាក់ ករណីប្រើប្រាស់គ្រឿងញៀន នៅផ្ទះសំណាក់ «យីហោសួស្តី» សង្កាត់ស្រះចក (ភ្នំពេញ)៖ នៅថ្ងៃទី២១ ខែឧសភា ឆ្នាំ២០២៤ ប្រជាពលរដ្ឋបានរាយការណ៍តាមរយៈ App Nodrug សមត្ថកិច្ចបើកប្រតិបត្តិការបង្ក្រាបករណីសម្រួលទីតាំងឱ្យជួញដូរ ចែកចាយ រក្សាទុក និងផ្តល់ទីតាំងឱ្យប្រើប្រាស់នូវសារធាតុញៀនខុសច្បាប់ នៅចំណុចក្នុងទីតាំងផ្ទះសំណាក់ «យីហោ សួស្តី» ស្ថិតនៅផ្ទះលេខ៣៨ ផ្លូវ៨៦ ភូមិ៧ ក្រុម៩៦ (មុខវិហារឥស្លាមប្លុកបឹងកក់) សង្កាត់ស្រះចក ដែលមានម្ចាស់ទីតាំងឈ្មោះ  ផាត់ ផល្លីន ភេទស្រី អាយុ ៤៧ឆ្នាំ។ លទ្ធផលសមត្ថកិច្ចឃាឃាត់ខ្លួនជនសង្ស័យចំនួន១៩នាក់ (ប្រុស១១នាក់ /ស្រី៨នាក់) ចាប់យកវត្ថុតាងដកហូតម្សៅក្រាមពណ៌សថ្លាសង្ស័យជាគ្រឿងញៀនចំនួន ១៤កញ្ចប់ ឧបករណ៍សប់ម្រាប់បម្រើឱ្យការសេពគ្រឿងញៀនដែលបានឆែក និងពិនិត្យឃើញនៅក្នុងបន្ទប់ផ្ទះសំណាក់ចំនួន១០បន្ទប់។ សមត្ថកិច្ចកសាងសំណុំរឿងបញ្ជូនអនុវត្តន៍ទៅតាមនីតិវិធីច្បាប់ និងស្រាវជ្រាវបន្ត។ ចុចLink ទាញយក App Nodrug រាយការណ៍ដោយសម្ងាត់បំផុត

ព័ត៌មានជាតិ

ប្រឡងសិស្សពូកែឆ្នាំនេះបេក្ខជនមកពីខេត្តជាប់ច្រើនជាងភ្នំពេញ

ប្រឡងសិស្សពូកែឆ្នាំនេះបេក្ខជនមកពីខេត្តជាប់ច្រើនជាងភ្នំពេញ ក្រសួងអប់រំ យុវជន និងកីឡា បានរៀបចំការប្រឡងសិស្សពូកែទូទាំងប្រទេសរយៈពេល៥ថ្ងៃ ចាប់ពីថ្ងៃទី១២ដល់ថ្ងៃទី១៦ ខែឧសភា ឆ្នាំ២០២៤ នៅវិទ្យាល័យជា ស៊ីម សន្ធរមុខដោយមានសិស្សានុសិស្សចូលរួមចំនួន២៤០នាក់ស្រី១២៧នាក់ ក្នុងនោះនឹងត្រូវបានជ្រើសរើសជាជ័យលាភីសរុប៣០នាក់ ដោយថ្នាក់ទី៩ចំនួន១៥នាក់ និងថ្នាក់ទី១២ ចំនួន១៥នាក់។យោងតាមលទ្ធផលប្រឡងសិស្សពូកែដែលក្រសួងអប់រំបានប្រកាសជាផ្លូវការកាលពីថ្ងៃទី១៦ឧសភាបានឱ្យដឹងថានៅរាជធានីភ្នំពេញមានបេក្ខជនប្រឡងជាប់សិស្សពូកែចំនួន៥នាក់ក្នុងនោះថ្នាក់ទី៩ជាប់៤នាក់និងថ្នាក់ទី១២ជាប់១នាក់ខណៈខេត្តព្រៃវែងមាន ជាប់៦នាក់ក្នុងនោះថ្នាក់ទី៩ជាប់៣នាក់និងថ្នាក់ទី១២ជាប់៣នាក់។ ការប្រឡងជ្រើសរើសសិស្សពូកែផ្នែកអក្សរសិល្ប៍ខ្មែរ គណិតវិទ្យានិងរូបវិទ្យា ថ្នាក់ទី៩និងថ្នាក់ទី១២នៅទូទាំងប្រទេសនៅឆ្នាំ២០២៤នេះក្រសួងជ្រើសរើសយកតែចំណាត់ថ្នាក់លេខ១ដល់លេខ៥ប៉ុណ្ណោះ។ក្នុងនោះចំណាត់ថ្នាក់លេខ១ទទួលបានថវិកា៣លាន៥សែនរៀល លេខ២បាន៣លាន២សែនរៀលលេខ៣បាន២លាន៩សែនរៀលលេខ៤បាន២លាន៦សែនរៀលនិងលេខ៥បាន២លាន៣សែនរៀល។សិស្សជ័យលាភីក៏អាចនឹងទទួលប្រាក់រង្វាន់និងវត្ថុផ្សេងៗទៀតពីសប្បុរសជនផងដែរ៕

ព័ត៌មានសន្តិសុខសង្គម

សមយុទ្ធនាគមាសឆ្នាំ២០២៤ ប្រារព្ធពិធីបើក ក្រោមប្រធានបទ «ប្រតិបត្តិការប្រឆាំងអំពើភេរវកម្មរួម និងការសង្រ្គោះមនុស្សធម៌» នៅភ្នំជុំសែនរីករាយ

សមយុទ្ធនាគមាសឆ្នាំ២០២៤ ប្រារព្ធពិធីបើក ក្រោមប្រធានបទ «ប្រតិបត្តិការប្រឆាំងអំពើភេរវកម្មរួម និងការសង្រ្គោះមនុស្សធម៌» នៅភ្នំជុំសែនរីករាយ ខេត្តកំពង់ឆ្នាំង ៖ កងយោធពលខេមរភូមិន្ទ កម្ពុជា និងកងទ័ពរំដោះប្រជាជនចិន បានបើក «សមយុទ្ធនាគមាសឆ្នាំ២០២៤» ជាផ្លូវការ ក្រោមប្រធានបទ «ប្រតិបត្តិការប្រឆាំងអំពើភេរវកម្មរួម និងការសង្រ្គោះមនុស្សធម៌» និងស្តិតក្រោមអធិបតីភាព ឯកឧត្តម នាយឧត្តមសេនីយ៍ វង្ស ពិសេន អគ្គមេបញ្ជាការ កងយោធពលខេមរភូមិន្ទ និងលោកឧត្តមនាវីទោ កៅ សីវឈីង នាយរងសេនាធិការតំបន់ភូមិភាគខាងត្បូង នៃកងទ័ពរំដោះប្រជាជនចិន និងជាប្រធានក្រុមការងារដឹកនាំសមយុទ្ធភាគីចិន នៅមជ្ឈមណ្ឌលហ្វឹកហ្វឺនកងរាជអាវុធហត្ថ ភ្នំជុំសែនរីករាយ នៅខេត្តកំពង់ឆ្នាំង នាព្រឹកថ្ងៃទី១៦ ខែឧសភា ឆ្នាំ២០២៤៕

ព័ត៌មានជាតិ

សំណូមពររបស់ប្រជាពលរដ្ឋដែលរងគ្រោះក្នុងករណីគម្រោងរបស់អតីតឧកញ៉ា ឡេងចាន់ណា

ភ្នំពេញ៖ ឆ្លើយតបទៅនឹងសំណូមពររបស់ប្រជាពលរដ្ឋដែលរងគ្រោះក្នុងករណីគម្រោងរបស់អតីតឧកញ៉ា ឡេងចាន់ណា ដែលបានស្នើសុំកិច្ចអន្តរាគមន៍ពីខ្ញុំ, ខ្ញុំបានសម្រេចប្រគល់ភារកិច្ចជូនឯកឧត្តម គី តិច ប្រធានក្រុមមេធាវីរបស់រាជរដ្ឋាភិបាល ដើម្បីការពារប្រជាពលរដ្ឋ និងធ្វើជាតំណាងប្រជាពលរដ្ឋនៅក្នុងសំណុំរឿងទាំងឡាយដែលកំពុងចាត់ការដោយស្ថាប័នអយ្យការ និង ស្ថាប័នតុលាការ។ ខ្ញុំសូមយកឱកាសនេះ ដើម្បីបញ្ជាក់អំពីចំណាត់ការជាបន្តបន្ទាប់របស់រាជរដ្ឋាភិបាល និងរបស់រូបខ្ញុំផ្ទាល់ពាក់ព័ន្ធនឹងករណីនេះ។   ក្រោយពេលដែលឃើញមានផ្សព្វផ្សាយតាមប្រព័ន្ធបណ្ដាញសង្គមអំពីករណីទាមទារសំណងរបស់ប្រជាពលរដ្ឋដែលបានវិនិយោគនៅលើគម្រោង ប្រ៊ីលានស៊ីធី នៅខេត្តសៀមរាប របស់អតីតឧកញ៉ា ឡេង ចាន់ណា, នៅក្នុងអំឡុងពាក់កណ្តាលខែកុម្ភ: ឆ្នាំ២០២៤ ខ្ញុំបានប្រគល់ភារកិច្ចជូន ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងដែនដី នគររូបនីយកម្ម និងសំណង់ ក៏ដូចជា ជូនឯកឧត្តម ប្រាក់ សោភ័ណ្ឌ អភិបាលនៃគណៈអភិបាលខេត្តសៀមរាប និងក្រុមជំនួយការច្បាប់របស់ខ្ញុំដើម្បីស្រាវជ្រាវ ក៏ដូចជារិះរកដំណោះស្រាយលើករណីនេះ។   តាមការប្រគល់ភារកិច្ច, ឯកឧត្តម សាយ សំអាល់ បានព្យាយាមធ្វើការសម្របសម្រួលជាមួយក្រុមហ៊ុន ក្នុងគោលបំណងរកដំណោះស្រាយជូនប្រជាជនវិញ ទៅតាមលទ្ធភាពដែលអាចទៅបាន និងទៅតាមជំហានដែលអាចធ្វើទៅបាន ប៉ុន្តែ ដំណោះស្រាយតាមវិធីនេះ ពុំអាចធ្វើទៅបាន។   ជាមួយគ្នានេះ, សមត្ថកិច្ចក៏បានធ្វើការស៊ើបអង្កេត និងស្រាវជ្រាវករណីនេះ […]

ព័ត៌មានជាតិ

ថ្នាក់ដឹកនាំក្លិបអ្នកកាសែតកម្ពុជា នៅថ្ងៃទី១៣ ខែឧសភា ឆ្នាំ២០២៤នេះ បានចេញដំណើរទៅកាន់ប្រទេសវៀតណាម ដែលជាទស្សនកិច្ចចំពេលវេលាដែលអ្នកសារព័ត៌មានកំពុងដើរតួនាទីដ៏សំខាន់ក្នុងការផ្សព្វផ្សាយព័ត៌មានដែលពេញលេញ ត្រឹមត្រូវ និងប្រកបដោយវិជ្ជាជីវៈ។     តាមសេចក្តីប្រកាសព័ត៌មានរបស់ក្លិបអ្នកកាសែតកម្ពុជាបានបញ្ជាក់ថា ទស្សនកិច្ចនេះ ត្រូវបានធ្វើឡើងតបតាមការអញ្ជើញរបស់សមាគមអ្នកកាសែតវៀតណាម (Vietnam Journalists Association – VJA) ដែលជាសមាគមតែមួយគត់នៅប្រទេសវៀតណាម ហើយជាដៃគូជាមួយក្លិបអ្នកកាសែតកម្ពុជា (Club of Cambodian Journalists – CCJ) ចាប់តាំងពីឆ្នាំ២០១៨ មក។ ភាពជាដៃគូនេះ បានកើតឡើងភ្លាមៗក្រោយពី CCJ ទទួលបានការគាំទ្រជាឯកច្ឆ័ន្ទឱ្យចូលជាសមាជិកនៃសហព័ន្ធអ្នកកាសែតអាស៊ាន (Confederation of ASEAN Journalists) នាដើមឆ្នាំ២០១៨ នៅក្នុងកិច្ចប្រជុំមហាសន្និបាតអ្នកកាសែតអាស៊ាននៅក្នុងទីក្រុងបាងកក ប្រទេសថៃ។ នាពេលនោះហើយដែលថ្នាក់ដឹកនាំ VJA និង ថ្នាក់ដឹកនាំ CCJ បានចាប់ផ្តើមពិភាក្សាអំពីការបង្កើតភាពជាដៃគូដើម្បីបម្រើផលប្រយោជន៍វិស័យសារព័ត៌មានក្នុងតំបន់ផង និងដើម្បីសារព័ត៌មាននៃប្រទេសទាំងពីរផង។     លោក ពុយ គា ប្រធានក្លិបអ្នកាសែតកម្ពុជា បានថ្លែងថា «នៅក្នុងរយៈពេល៥ថ្ងៃនៅក្នុងប្រទេសវៀតណាម ចាប់ពីថ្ងៃទី១៣-១៧ […]

ព័ត៌មានជាតិ

ផឹកចំស្រាកាចយកប្រេងសាំងទៅចាក់ដុតផ្ទះបងប្អូនបង្កើតខ្លួនឯងផ្អើលទាំងយប់

ផឹកចំស្រាកាចយកប្រេងសាំងទៅចាក់ដុតផ្ទះបងប្អូនបង្កើតខ្លួនឯងផ្អើលទាំងយប់ ភ្នំពេញ:បុរសម្នាក់ផឹកស៊ីស្រវឹងស្រាប់តែបែកគំនិតយកប្រេងសាំងមួយដបជ័រទៅចាក់បង្ហូរលើទ្វារផ្ទះបងបង្កើតខ្លួនឯងរួចហើយដុតឆាបឆេះផ្អើលប្រជាពលរដ្ឋនាំគ្នាពន្លត់ទាន់ភ្លាមៗបងបង្កើតបុរសខាងលើបានអោយដឹងថាប្អូនរបស់គាត់អោយតែពេលណាផឹកស្រវឹងម្ដងៗតែងតែគំរលចូលមករករឿងគាត់រហូត។ហេតុការណ៍នេះបានកើតឡើងនៅវេលាម៉ោង១០យប់ថ្ងៃទី៩ ខែឧសភា ឆ្នាំ២០២៤ ស្ថិតនៅផ្ទះល្វែងមួយកន្លែងក្នុងភូមិក្រុងថ្មីសង្កាត់គោកឃ្លៀង ខណ្ឌសែនសុខ រាជធានីភ្នំពេញ។

ព័ត៌មានជាតិ

រដ្ឋមន្ត្រីសុខាភិបាលណែនាំដល់នាយកដ្ឋានជំនាញមុននឹងចេញអាជ្ញាប័ណ្ណត្រូវត្រួតពិនិត្យ និងធ្វើអភិបាលកិច្ចជាមុនសិន

រដ្ឋមន្ត្រីសុខាភិបាលណែនាំដល់នាយកដ្ឋានជំនាញមុននឹងចេញអាជ្ញាប័ណ្ណត្រូវត្រួតពិនិត្យ និងធ្វើអភិបាលកិច្ចជាមុនសិន ភ្នំពេញ៖ ឯ.ឧ សាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានណែនាំដល់នាយកដ្ឋានមន្ទីរពេទ្យមុននឹងចេញអាជ្ញាប័ណ្ណត្រូវត្រួតពិនិត្យ និងធ្វើអភិបាលកិច្ចឱ្យបានម៉ត់ចត់ជាមុនសិនដើម្បីធានាបាននូវគុណភាពនិងប្រសិទ្ធភាពខ្ពស់ក្នុងការផ្តល់សេវាជូនប្រជាពលរដ្ឋ។ ក្នុងពិធីសំណេះសំណាល ពិនិត្យវឌ្ឍនភាព និងពិភាក្សាការងារ ជាមួយថ្នាក់ដឹកនាំនៃនាយកដ្ឋានមន្ទីរពេទ្យ និងអគ្គនាយករងនៃអគ្គនាយកដ្ឋានបច្ចេកទេសសុខាភិបាលនៅទីស្តីការក្រសួង ឯ.ឧ រដ្ឋមន្ត្រីបានបន្តថានាយកដ្ឋានត្រូវពិនិត្យបន្ថែមលើការផ្តល់អាជ្ញាប័ណ្ណ បន្តសុពលភាពអជ្ញាប័ណ្ណ ដោយត្រូវត្រួតពិនិត្យ និងការធ្វើអភិបាលកិច្ច ទាំងការងារគ្រប់គ្រង កិច្ចការបច្ចេកទេស ការប្រើប្រាស់ឱសថ សម្ភារៈបរិក្ខារពេទ្យ និងធនធានមនុស្សជំនាញសុខាភិបាលធានាបាននូវគុណភាព ក្រមសីលធម៌វិជ្ជាជីវៈខ្ពស់ ស្របតាមនីតិវិធីស្តង់ដាដែលបានកំណត់៕

ព័ត៌មានជាតិ

ភ្នំពេញ៖ ប្រធានក្លឹបអ្នកកាសែតកម្ពុជា (ក.អ.ក) លោក ពុយ គា បានធ្វើការអំពាវនាវកុំឱ្យមានការរឹតត្បិតដល់អ្នកសារព័ត៌មានក្នុងការចុះយកព័ត៌មាន ដើម្បីបង្ហាញពីប្រទេសកម្ពុជា ដែលគោរពលិទ្ធិប្រជាធិបតេយ្យ និងបង្ហាញពីសេរីភាពសារព័ត៌មាន។

ភ្នំពេញ៖ ប្រធានក្លឹបអ្នកកាសែតកម្ពុជា (ក.អ.ក) លោក ពុយ គា បានធ្វើការអំពាវនាវកុំឱ្យមានការរឹតត្បិតដល់អ្នកសារព័ត៌មានក្នុងការចុះយកព័ត៌មាន ដើម្បីបង្ហាញពីប្រទេសកម្ពុជា ដែលគោរពលិទ្ធិប្រជាធិបតេយ្យ និងបង្ហាញពីសេរីភាពសារព័ត៌មាន។ ការអំពាវនាវបែបនេះ ធ្វើឡើងក្នុងកិច្ចសម្ភាសន៍ជាមួយអង្គភាពសារព័ត៌មាន “ភ្នំពេញដេលី” Sapormean Phnom Penh Daily នាព្រឹកថ្ងៃទី៩ ខែឧសភា ឆ្នាំ២០២៤នេះ តាមប្រព័ន្ធតេឡេក្រាម បន្ទាប់ពីទទួលបានព័ត៌មានថា មានលោកចៅហ្វាយខេត្តមួយរូប (មិនបានបញ្ជាក់ឈ្មោះ និងខេត្ត) បានបញ្ជាដល់មន្ទីរព័ត៌មានឱ្យមានការត្រួតពិនិត្យទៅលើអ្នកសារព័ត៌មាន ដែលចុះយកព័ត៌មានក្នុងខេត្តរបស់ខ្លួន គឺត្រូវតែសុំការអនុញ្ញាតជាមុនសិន។ ចំពោះករណីនេះ ក៏ត្រូវបានអ្នកសារព័ត៌មានមួយចំនួនចាត់ទុកថា ជាការរំលោភបំពានយ៉ាងធ្ងន់ធ្ងរលើសេរីភាពក្នុងការចុះយកព័ត៌មាន ថែមទាំងមានគំនិតអវិជ្ជមានដើរបញ្ច្រាសទិស ខណៈរាជរដ្ឋាភិបាលចាត់ទុកថា អ្នកសារព័ត៌មានជាដៃគូមិនអាចខ្វះបានក្នុងការចូលរួមចំណែកអភិវឌ្ឍសង្គមជាតិ និងស្នើឱ្យរដ្ឋបាលថ្នាក់ក្រោមជាតិ ត្រូវតែសហការឱ្យបានល្អជាមួយអ្នកសារព័ត៌មាន ពិសេសសេរីភាពសារព័ត៌មាននៅកម្ពុជា កំពុងត្រូវបានលើកកម្ពស់ និងមានសេរីភាពល្អប្រសើរពេញលេញនោះ។ ទោះយ៉ាងណា ប្រធានក្លឹបអ្នកកាសែតកម្ពុជា (ក.អ.ក) លោក ពុយ គា បញ្ជាក់ថា រហូតដល់ម៉ោងនេះ លោកមិនទាន់ទទួលបានព័ត៌មានថា មានខេត្តណាមួយដែលគេហាមមិនឱ្យអ្នកសារព័ត៌មានចុះទៅយកព័ត៌មាន ឬទាល់តែសូមច្បាប់ជាមុននោះទេ ប៉ុន្តែបើសិនជាមានមែន ជាការសោកស្តាយ ដោយសារថា រដ្ឋមន្រ្តីក្រសួងព័ត៌មានលោកទើបបានប្រកាសថ្មីៗនេះអំពីសេរីភាពសារព័ត៌មានកំពុងតែមានលក្ខណៈប្រសើរ មានសេរីភាពពេញលេញ។ […]