អបអរសាទរ “ព្រែកជីកហ្វូណនតេជោ” ដែលសម្ពោធបើកការដ្ឋានសាងសង់នាព្រឹកថ្ងៃទី០៥ ខែសីហា ឆ្នាំ២០២៤នេះ! 🇰🇭 🇰🇭 🇰🇭

សាហាវព្រៃផ្សៃ! ចាប់រំលោភសម្លាប់ ហើយយកម៉ូតូទៅបាត់ទៀត

សាហាវព្រៃផ្សៃ! ចាប់រំលោភសម្លាប់ ហើយយកម៉ូតូទៅបាត់ទៀត កំពត ៖ ករណីឃាតកម្មរំលោភសម្លាប់យ៉ាងព្រៃផ្សៃមួយ បានកើតឡើងនៅភូមិស្រែលាវ (ចំណុចភ្នំព្រាល) ឃុំត្រពាំងភ្លាំង ស្រុកឈូក ខេត្តកំពត។ សមត្ថកិច្ចបានឲ្យដឹងថា ជនរងគ្រោះ អាយុ២៦ឆ្នាំ មានកូនប្រុសម្នាក់ ដោយមុនកើតហេតុ នៅថ្ងៃទី១៣ ខែកញ្ញា ឆ្នាំ២០២២ ម៉ោងប្រហែល៣រសៀល ដោយជនរងគ្រោះ បានជិះម៉ូតូម៉ាកសេ១២៥ ស៊េរីឆ្នាំ២០១៩ ក្នុងគោលបំណងទៅផ្លាស់ក្របីនៅវាលស្រែ តែមិនឃើញជនរងគ្រោះត្រឡប់មកផ្ទះវិញសោះ ហើយក្រុមគ្រួសារជនរងគ្រោះបាត់ដំណឹងក៏មានការសង្ស័យ ក៏បាននាំគ្នាដើររកតែមិនឃើញ។ លុះព្រឹកឡើងនៅថ្ងៃទី១៤ ខែកញ្ញា ឆ្នាំ២០២២ ប្តីរបស់គាត់ក៏បានដើររកទៀតក៏ប្រទះឃើញសាកសពរបស់ប្រពន្ធស្លាប់បាត់បង់ជីវិតយ៉ាងអាណោចអាធ័ម ចោលប្តីនិងកូនទៅហើយ។ បន្ទាប់មកក៏ផ្អើលឆោឡោឡើង និងបានរាយការណ៍ដាក់ពាក្យបណ្តឹងទៅសមត្តកិច្ច រួមជាមួយក្រុមគ្រូពេទ្យជំនាញ ក៏បានចុះមកកន្លែងកើតហេតុពិនិត្យ និងធ្វើកោសល្យវិនិច័យ រួចប្រគល់សាកសពជូនក្រុមគ្រួសារជនរងគ្រោះ ដើម្បីធ្វើបុណ្យតាមប្រពៃណី។ គួរបញ្ជាក់ដែរថា ម៉ូតូដែលជនរងគ្រោះជិះមកនោះ បន្ទាប់ពីជនសង្ស័យធ្វើសកម្មភាពរួចហើយក៏បានយកម៉ូតូនោះជិះគេចខ្លួនទៅបាត់ស្រមោលតែម្តង។ ក្រុមគ្រួសារសព ក៏សុំអំពាវនាវក៏ដូចជាស្នើទៅដល់លោកស្នងការនគរបាលខេត្តកំពត និងមន្រ្តីជំនាញដែលពាក់ព័ន្ធមេត្តាជួយវែកមុខរកឃាតករដៃឆៅសាហាវឃោរឃៅមកផ្តន្ទាទោសតាមផ្លូវច្បាប់ឲ្យខាងតែបាន ដើម្បីរកយុត្តិធម៌ជូនក្រុមគ្រួសារសព៕

ចូលក្លឹបផឹកស៊ីស្រវឹង ដកកាំភ្លើងបាញ់ ផ្អើលភ្ញៀវ ភ្ញៀវរត់ជាន់ជើងគ្នា ត្រូវអាវុធហត្ថភ្នំពេញចាប់ខ្លួន២នាក់

ចូលក្លឹបផឹកស៊ីស្រវឹង ដកកាំភ្លើងបាញ់ ផ្អើលភ្ញៀវ ភ្ញៀវរត់ជាន់ជើងគ្នា ត្រូវអាវុធហត្ថភ្នំពេញចាប់ខ្លួន២នាក់ បុរសម្នាក់ ដែលគេស្គាល់ ឈ្មោះ ខុន បញ្ចសិទ្ធិ ជាអ្នកមានជាន់ថ្មី ដោយសារការរកស៊ីខាងដីធ្លី កាលពីយប់ ថ្ងៃទី២៨ ខែកក្កដា ឆ្នាំ២០២៤ បាននាំគ្នាចូលក្លឹបកំសាន្ត Central.X ដោយហៅស្រា Hennessy ០២ដប ផឹកស៊ីយ៉ាងហ៊ឺហា សម្ញែងឬកបែបអភិជន ដោយក្នុងនោះបុរសម្នាក់ដែលអ្នកផ្សេងក្នុងក្រុមហែរហមលើកតម្កើងជាមនុស្សសំខាន់ជាងគេ បានដកកាំភ្លើងខ្លីមួយដើមចេញពីចង្កេះ អាមេបញ្ចូលគ្រាប់ កាន់រេចុះឡើង សម្ញែងទៅលើទៅក្រោម ធ្វើឲ្យមានការភ្ញាក់ផ្អើលដល់ភ្ញៀវដ៏ទៃទៀតដែលនៅសាឡុងក្បែរៗនោះ។ និងបានបាញ់ឡើងលើ០១គ្រាប់ ដើម្បីសម្តែងឬទ្ធិអំណាចរបស់ខ្លួន ធ្វើឲ្យភ្ញៀវផ្អើលឈូរឆររត់ចេញក្រៅ ត្រូវបានក្រុមសន្តិសុខរាយការណ៍ជូនអាវុធហត្ថខណ្ឌចំការមន ចុះអន្តរាគមន៍និងឃាត់ខ្លួនជនសង្ស័យ ដើម្បីយកទៅអនុវត្តតាមនិតិវិធី ព្រមទាំងដកហូតអាវុធខ្លីបាន ០២ដើម ដោយមួយដើម ម៉ាក GLOCK19 ជាអាវុធដែលជនសង្ស័យ កាន់ធ្វើសកម្មភាពបាញ់សម្ញែង និងមួយដើមទៀត ម៉ាក EKOL VOLGA សមត្ថកិច្ចឆែកឃើញក្នុងរថយន្តរបស់ជនសង្ស័យ៕

ប្រវត្តិសាស្ត្រ! អង្គសមាជរដ្ឋសភា និងព្រឹទ្ធសភាលើកទី១ ប្រជុំឆ្លងថ្ងៃចាប់ពីម៉ោង៨ព្រឹក ដល់ម៉ោង១២យប់

ប្រវត្តិសាស្ត្រ! អង្គសមាជរដ្ឋសភា និងព្រឹទ្ធសភាលើកទី១ ប្រជុំឆ្លងថ្ងៃចាប់ពីម៉ោង៨ព្រឹក ដល់ម៉ោង១២យប់ ភ្នំពេញ៖ ម៉ោង១២យប់ថ្ងៃទី៣ ខែមិថុនា អង្គសមាជ បន្តកិច្ចពិភាក្សានៅឡើយ ដែលចាប់ផ្ដើមប្រជុំតាំងពីម៉ោង៨ព្រឹកថ្ងៃទី២ ខែមិថុនា។ តាមការប៉ាន់ស្មានរបស់សម្ដេច ហ៊ុន សែន ប្រធានព្រឹទ្ធសភា កិច្ចប្រជុំនេះ អាចនឹងចប់នៅម៉ោង២យប់ ដើម្បីបញ្ចប់របៀបវារៈទីពីរ។ សមាជដំបូងនៃរដ្ឋសភា និងព្រឹទ្ធសភា បានប្រព្រឹត្តទៅចាប់តាំងពីម៉ោង៨ព្រឹក មកដល់ពេលនេះ ក្រោមការចូលរួមសមាជិករដ្ឋសភាព ព្រឹទ្ធសភា សមាជិកគណៈរដ្ឋមន្ត្រី និងសមាជិកឧត្តមក្រុមប្រឹក្សាពិគ្រោះ និងផ្ដល់យោបល់។ #សមាជរដ្ឋសភានិងព្រឹទ្ធសភា