ព័ត៌មានជាតិ

ប្រធានបទ «នយោបាយការបរទេសកម្ពុជា ក្នុងបរិបទអាស៊ាន»

June 12, 2024June 12, 2024 vcn Comment(0)

ភ្នំពេញ៖ នៅព្រឹកថ្ងៃពុធ ៦កើត ខែជេស្ឋ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១២ ខែមិថុនា ឆ្នាំ២០២៤នេះ ក្លឹបអ្នកកាសែតកម្ពុជា (ក.អ.ក) សហការជាមួយក្រសួងការបរទេស និងសហប្រតិបត្តិការអន្តរជាតិ បានរៀបចំវេទិកាពិភាក្សាសារព័ត៌មាន ដោយលើកយកប្រធានបទ «នយោបាយការបរទេសកម្ពុជា ក្នុងបរិបទអាស៊ាន» ក្រោមអធិបតីភាព ឯកឧត្ដម គង់ ភោគ រដ្ធលេខាធិការ ក្រសួងការបរទេស និងសហប្រតិបត្តិការអន្តរជាតិ ជាតំណាងដ៏ខ្ពង់ខ្ពស់ ឯកឧត្ដម សុខ ចិន្តាសោភា ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ។

វេទិកាសារព័ត៌មាននេះរៀបចំធ្វើឡើងនៅទីស្តីការក្រសួងការបរទេស និងសហប្រតិបត្តិការអន្តរជាតិ មានទីតាំងស្ថិតនៅផ្លូវ សម្តេច ហ៊ុន សែន សង្កាត់ទន្លេបាសាក់ ខណ្ឌចំការមន រាជធានីភ្នំពេញ ដោយមានការចូលរួមពីអ្នកសារព័ត៌មានជាតិ-អន្តរជាតិសរុប ៧១នាក់ មកពីស្ថានីយ៍ទូរទស្សន៍ វិទ្យុ និងសារព័ត៌មានអនឡាញអាជីពចំនួន ៥៣ អង្គភាព/ស្ថាប័ន។

លោក ពុយ គា ប្រធានក្លឹបអ្នកកាសែតកម្ពុជា(ក.អ.ក)បានឲ្យដឹងថា វេទិកាពិភាក្សាប្រធានបទខាងលើនេះ ដើម្បីផ្តល់ឱកាសដល់អ្នកសារព័ត៌មានជាតិ និងអន្តរជាតិបានស្វែងយល់បន្ថែមទៀតអំពីគោលនយោបាយការបរទេសរបស់ប្រទេសកម្ពុជា ក្នុងបរិបទអាស៊ាន រួមទាំងព្រឹត្តិការណ៍សំខាន់ៗក្នុងតំបន់អាស៊ាន ដែលជ:ឥទ្ធិពលដល់គោលនយោបាយរបស់កម្ពុជា។

លោក ពុយ គា ចាត់ទុកថា វេទិកាពិភាក្សាលើប្រធានបទ «គោលនយោបាយការបរទេសកម្ពុជា ក្នុងបរិបទអាស៊ាន» ពិតជាមានសារៈសំខាន់ខ្លាំងណាស់ មិនត្រឹមតែផ្តល់ឱកាសដល់អ្នកសារព័ត៌មានបានស្វែងយល់ដឹងកាន់តែច្បាស់លាស់ពី គោលនយោបាយការបរទេសកម្ពុជាប៉ុណ្ណោះទេ ប៉ុន្តែជាឱកាសដែលអ្នកសារព័ត៌មានលើកជាសំណួរផ្សេងៗទាក់ទងនិងគោលនយោបាយការបរទេសកម្ពុជា ក្នុងបរិបទអាស៊ាន។

សូមជម្រាបថា ជារៀងរាល់ឆ្នាំ ក្លឹបអ្នកកាសែតកម្ពុជា(ក អ.ក) តែងរៀបចំវេទិកាពិភាក្សានេះឡើង ដោយបានលើកយកនូវប្រធានបទសំខាន់ៗ និងបានអញ្ជើញមន្ត្រីជំនាញតំណាងក្រសួង និងស្ថាប័នពាក់ព័ន្ធចូលរួមកិត្តិយសធ្វើជាវាគ្មិន ដើម្បីផ្តល់ឪកាសដល់អ្នកសារព័ត៌មានបានស្វែងយល់ឲ្យកាន់តែច្បាស់ក្នុងការសសេរព័ត៌មានចំគោលដៅ និងច្បាស់លាស់ ថែមទាំងផ្តល់ឱកាសដល់អ្នកសារព័ត៌មានបានលើកជាសំណួរផ្សេងៗផងដែរ។

ដោយឡែកចាប់ពីខែមករា-ខែមិថុនា ឆ្នាំ២០២៤ ក្លឹបអ្នកកាសែតកម្ពុជា(ក.អ.ក) បានរៀបចំវេទិកាពិភាក្សាបានចំនួន ៥លើក ដោយបានសហការជាមួយក្រសួងមួយចំនួនដូចជា៖ ក្រសួងរ៉ែ និងថាមពល , ក្រសួងអធិការកិច្ច , ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ , ក្រសួងអភិវឌ្ឍន៍ជនបទ , ក្រសួងការបរទេស និងសហប្រតិបត្តិការអន្តរជាតិ៕

vcn

ព័ត៌មានជាតិ

ពិធីបញ្ចុះសព សម្តេចឧត្តមទេពញាណ ហ៊ុន ណេង សមាជិកគណៈកម្មាធិការអចិន្ត្រៃយ៍រដ្ឋសភា ជាតំណាងរាស្ត្រមណ្ឌលកំពង់ចាម និងជាប្រធានគណៈកម្មការទី៤ នៃរដ្ឋសភា

May 9, 2022 vcn

ពិធីបញ្ចុះសព សម្តេចឧត្តមទេពញាណ ហ៊ុន ណេង សមាជិកគណៈកម្មាធិការអចិន្ត្រៃយ៍រដ្ឋសភា ជាតំណាងរាស្ត្រមណ្ឌលកំពង់ចាម និងជាប្រធានគណៈកម្មការទី៤ នៃរដ្ឋសភា បន្ទាប់ពីបានតម្កល់ធ្វើបុណ្យទក្ខិណានុប្បទានតាមប្រពៃណីព្រះពុទ្ធសាសនាអស់រយៈពេល ៣ថ្ងៃ រួចមក នៅវេលាព្រឹកថ្ងៃចន្ទ ៩កើត ខែពិសាខ ឆ្នាំខាល ចត្វាស័ក ពុទ្ធសករាជ ២៥៦៥ ត្រូវនឹងថ្ងៃទី ៩ ខែឧសភា ឆ្នាំ ២០២២ សព សម្តេចឧត្តមទេពញាណ ហ៊ុន ណេង សមាជិកគណៈកម្មាធិការអចិន្ត្រៃយ៍រដ្ឋសភា ជាតំណាងរាស្ត្រមណ្ឌលកំពង់ចាម និងជាប្រធានគណៈកម្មការទី៤ នៃរដ្ឋសភា ដែលត្រូវជាបងប្រុសបង្កើត សម្តេចអគ្គមហាសេនាបតីតេជោតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ត្រូវបានក្រុមគ្រួសារសព រៀបចំពិធីដង្ហែចេញពីគេហដ្ឋាននៃសព ក្នុងភូមិទី៧ សង្កាត់កំពង់ចាម ក្រុងកំពង់ចាម ខេត្តកំពង់ចាម ឆ្ពោះទៅបញ្ចុះនៅវត្តសុវណ្ណគិរីរតនៈ ភ្នំប្រុស ថិតក្នុងភូមិត្រពាំងចារ ឃុំក្រឡា ស្រុកកំពង់សៀម ខេត្តកំពង់ចាម៕

ព័ត៌មានជាតិ

ករណីហិង្សាវ៉ៃកញ្ចក់រថយន្តអ្នកសារព័ត៌មានបណ្ដាលឲ្យបែកកញ្ចក់ខ្ទេចអស់

April 1, 2021 vcn

ខេត្តកំពង់ចាម÷ កាលពីវេលាម៉ោង 11 និង 30 នាទីថ្ងៃទី 31 ខែមីនាឆ្នាំ 2021 មានករណីហិង្សាវ៉ៃកញ្ចក់រថយន្តអ្នកសារព័ត៌មានបណ្ដាលឲ្យបែកកញ្ចក់ខ្ទេចអស់នៅចំណុចច្រកចូលសៃវៀនបញ្ជល់មាន់មួយកន្លែងដែលស្ថិតនៅភូមិឈេីទាលឃុំតាសែន ស្រុកជើងព្រៃ ខេត្តកំពង់ចាម ខាងក្រោយរោងចក្រវ៉ាឡុង តាមប្រភពអ្នកសារព័ត៌មានរងគ្រោះបានបញ្ជាក់ប្រាប់មកអង្គភាពយើងខ្ញុំថានៅមុនពេលកើតហេតុលោកបានទទួលព័ត៌មានពីបងប្អូនប្រជាពលរដ្ឋថានៅទីតាំងខាងលើនេះមានលេងល្បែងបញ្ជល់មាន់យ៉ាងគគ្រឹកគគ្រេងដោយមិនខ្លាចការរីករាលដាលជំងឺខូវីដ19 នោះទេ។ នៅពេលដែលទទួលប្រភពព័ត៌មានដូច្នេះលោកបានបើករថយន្តម៉ាកលុច្សស៊ីសពណ៌ស្លែមួយគ្រឿងមានគ្នា៣នាក់ដែលពាក់ស្លាកលេខ ភ្នំពេញ 2S 9688 ចូលទៅទីតាំងកំពុងតែជល់មាន់នោះក៏ស្រាប់តែមានមនុស្សពីរបីនាក់បានយកម៉ូតូមកដាក់ខាងមុខរថយន្តរបស់លោកហើយបានបើកទ្វាររថយន្តរបស់លោកសួរនាំនិងបានបិទទ្វាររថយន្តរបស់លោករួចហើយក៏បានជេរបញ្ចោរមកលើអ្នកសារព័ត៌មានយ៉ាងចាស់ដៃមិនតែប៉ុណ្ណោះថែមទាំងយកដំបងវ៉ៃទៅលើរថយន្តរបស់លោកបណ្ដាលឱ្យបែកកញ្ចក់ចំហៀងខាងក្រោយសងខាងខ្ទេចអស់តែម្ដង ឃើញសកម្មភាពយ៉ាងព្រៃផ្សៃដូច្នេះរូបលោកក៏បានបេីករថយន្តសំដៅទៅកងរាជអាវុធហត្ថស្រុកជើងព្រៃដើម្បីឲ្យអាវុធហត្ថឲ្យជួយអន្តរាគមន៍ ពេលទៅដល់កងរាជអាវុធហត្ថស្រុកជើងព្រៃហាក់ធ្វើព្រងើយមិនយកចិត្តទុកដាក់ជួយអន្តរាគមន៍នោះទេ។ រូបលោកបានបន្ថែមទៀតថាពេលឃើញអាវុធហត្ថមិនជួយអន្តរាគមន៍ដល់រូបគាត់ៗក៏បានទៅកាន់អធិការស្រុកជើងព្រៃដើម្បីសុំកិច្ចអន្តរាគមន៍ពីសមត្ថកិច្ចក៏ប៉ុន្តែដល់អធិការស្រុកជើងព្រៃមន្ត្រីនគរបាលនោះបង្វែរសាច់រឿងជាករណីគ្រោះថ្នាក់ចរាចរណ៍ទៅវិញ ឃើញសកម្មភាពទាំងកងរាជអាវុធហត្ថស្រុកនិងអធិការដ្ឋានគរបាលស្រុកជើងព្រៃធ្វើយ៉ាងដូច្នេះរូបលោកក៏បានទំនាក់ទំនងទៅកាន់ឯកឧត្តម អ៊ុនចាន់ដា អភិបាលខេត្តកំពង់ចាមដើម្បីឲ្យឯកឧត្តមជួយដល់រូបគាត់នៅពេលដែលឯកឧត្តមបានទទួលព័ត៌មាននេះភ្លាមឯកឧត្តមអភិបាលខេត្តបានបញ្ជាមកអភិបាលស្រុកជើងព្រៃឲ្យមានចំណាត់ការដោះស្រាយជូនរូបលោក ពេលនោះអភិបាលស្រុកជើងព្រៃបានអញ្ជើញបងប្អូនអ្នកសារព័ត៌មានដែលរងគ្រោះទៅកាន់អធិការដ្ឋាននគរបាលស្រុកជើងព្រៃដើម្បីសម្របសម្រួល ពេលនោះសមត្ថកិច្ចមិនបានហៅជនដៃដល់មកដើម្បីដោះស្រាយនោះទេ ក៏លេចមុខអធិការរងស្រុកជើងព្រៃម្នាក់ឈ្មោះ កាំងគឹមហុង មកសម្របសម្រួលជាមួយបងប្អូនអ្នកសរព័ត៌មានរងគ្រោះ ក្រោយការសម្របសម្រួលលោកអធិការងម្នាក់នោះក៏បានចេញថ្លៃសំណងខូចខាតរថយន្តទៅលើបងប្អូនអ្នកសារព័ត៌មានចំនួន 500 ដុល្លារដើម្បីបញ្ចប់សាច់រឿង ប្រជាពលរដ្ឋមានការសង្ស័យថាទីតាំងកន្លែងជល់មាន់មួយនេះអាចពាក់ព័ន្ធទៅនឹងអធិការងឈ្មោះ កាំងគឹមហុង ក៏ដូចជាកងរាជអាវុធហត្ថស្រុកជើងព្រៃបានជាមិនចេញមុខជួយដោះស្រាយដល់ពួកគាត់ ម្យ៉ាងទៀតពេលដែលសម្របសម្រួលគ្នាសមត្ថកិច្ចមិនបានហៅជនដៃដល់មកដើម្បីសម្របសម្រួលនោះទេ បេីតាមប្រភពបានបន្ថែមទៀតថាជនសង្សយ័មួយក្រុមនេះតែងតែប្រេីប្រាស់ហឹង្សាជាញឹកជាញាប់ណាស់មកលេីអ្នកសារព័ត៌មានពេលខ្លះដេញកាប់អ្នកសារព័ត៌មានថែមទៀតផងឲ្យតែអ្នកណាហ៊ានចូលទៅថតនៅទីតាំងសង្វៀនបញ្ជល់មាន់នោះប៉ុន្តែសមត្ថកិច្ចហាក់បីដូចជាពុំមានចំណាត់ការទាល់តែសោះ។ ពលរដ្ឋបានដាក់ជាចម្ងល់ថាហេតុអ្វីលោកអធិការរងស្រុកជើងព្រៃម្នាក់នោះចេញមុខមកដោះស្រាយជំនួសទៅវិញតើលោកអធិការរងម្នាក់នោះអាចពាក់ព័ន្ធទៅនឹងម្ចាស់សង្វៀនជល់មាន់មួយកន្លែងនោះដែរឬទេ? ប្រជាពលរដ្ឋបានសំណូមពរដល់ឯកឧត្តម អ៊ុនចាន់ដា អភិបាលនៃគណៈអភិបាលខេត្តកំពង់ចាម សូមមេត្តាបង្ក្រាបបិទទីតាំងបញ្ជល់មាន់មួយកន្លែងនេះផងដើម្បីទប់ស្កាត់ជំងឺកូវីដ19 ដែលកំពុងតែរីករាលដាលជាសហគមន៍នៅក្នុងព្រះរាជាណាចក្រកម្ពុជាស្របតាមការណែនាំរបស់ថ្នាក់ដឹកនាំបីកុំបីការពារឱ្យមានប្រសិទ្ធភាពខ្ពស់។

ព័ត៌មានជាតិ

ករណីរជីកណ្តៅដីនៅក្នុងបឹងតាកែវ ប្រធានមន្ទីររ៉ែបានប្រាប់ឲ្យដឹងថាគឺមានច្បាប់ទាំងអស់…

September 3, 2021 vcn

ករណីរជីកណ្តៅដីនៅក្នុងបឹងតាកែវ ប្រធានមន្ទីររ៉ែបានប្រាប់ឲ្យដឹងថាគឺមានច្បាប់ទាំងអស់… ពិតជាគួរឲ្យសរសើរមែនសម្រាប់ប្រធានមន្ទីររ៉ែខេត្តតាកែវចំពោះករណីបឹងតាកែវ លោកថាសុទ្ធតែមានច្បាប់ទាំងអស់ ដែល ពេលថ្មីៗនេះត្រូវ បានអង្គភាពប្រឆាំងអំពើពុករលួយ ប្រាប់ឲ្យ អាជ្ញាធរ ខេត្តតាកែវ មានវិធានការទប់ស្កាត់ ចំពោះករណីជីកយកអាចម៌ដី ការ ចាក់ដីលុបអាង និង ការ សង់សំណង់ផ្សេងៗនោះ ចំណែកឯលោក ផេង វុធ ប្រធាន មន្ទីរ រ៉ែ និង ថាមពល ខេត្តតាកែវវិញ បានថ្លែងថា ករណីរណ្តៅដី នៅ ក្នុង បឹងតាកែវ គឺមាន ច្បាប់ទាំងអស់។ ប្រជាពលរដ្ឋសូមកោតសរសើរចំពោះលោកផេង វុធ ដែលលោកឆ្លើយថា ក្នុង លិខិត របស់អង្គភាពប្រឆាំង អំពើពុករលួយបាន បញ្ជាក់យ៉ាងច្បាស់ហើយថា បាតុភាព ដែល កើតមាន ចំពោះ បឹងតាកែវនោះ គឺជាទំនាស់បុគ្គលតែប៉ុណ្ណោះ ហើយ ចំពោះ ករណីរណ្តៅដី នៅ ក្នុង បឹងតាកែវវិញនោះ គឺសុទ្ធតែមានច្បាប់ ចេញពីមន្ទីរ […]