ព័ត៌មានសន្តិសុខសង្គម

នាព្រឹកថ្ងៃព្រហស្បតិ៍ ទី១៦ ខែមករា ឆ្នាំ២០២៥នេះ ឯកឧត្តមនាយឧត្តមសេនីយ៍ ស ថេត អគ្គស្នងការនគរបាលជាតិ ដឹកនាំកិច្ចប្រជុំដកពិសោធន៍ការងារគ្រប់គ្រងសន្តិសុខឯកជន រវាងអគ្គស្នងការដ្ឋាននគរបាលជាតិ និងក្រុមហ៊ុនផ្តល់សេវាសន្តិសុខឯកជន សហគ្រាស គ្រឹះដ្ឋានជ្រើសរើសភ្នាក់ងារសន្តិសុខឯកជន និងណែនាំវិធានការរក្សាសន្តិសុខ សណ្តាប់ធ្នាប់ សុវត្ថិភាព ក្នុងឱកាសពិធីបុណ្យចូលឆ្នាំថ្មី ប្រពៃណីចិន វៀតណាម៕

អភិបាលរង ខណ្ឌចំការមន ដឹកនាំអាជ្ញាធរមូលដ្ឋានបន្តរៀបសណ្ដាប់ធ្នាប់កន្លែងលក់និងតំឡើងរទេះដែក ភ្នំពេញ ៖ លោក ជិន វិចិត្រ អភិបាលរងខណ្ឌចំការមន រួមនិងអាជ្ញាធរមូលដ្ឋានប៉ុស្តិ៍នគរបាលរដ្ឋបាលចរាចរណ៍សណ្ដាប់ធ្នាប់ដើម្បីបន្តការណែនាំនិងរៀបចំសណ្ដាប់តាមបណ្ដោយផ្លូវ២៧១មានចំនួន២សង្កាត់ សង្កាត់ទួលទំពូងទី២ សង្កាត់ ផ្សារដើមថ្កូវត់កន្លែងដែលពិបាកស្មុកស្មាញការដាក់តាំងនិងតំឡើងរទេះដែកនិងរំលោភយកចិញ្ចើមផ្លូវថ្មើរជើងខ្លាំងជាងគេនៅចំណុចផ្លូវ២៧១ សង្កាត់ ផ្សារដើមថ្កូវ ខណ្ឌចំការមន រាជធានីភ្នំពេញ៕

រាជរដ្ឋាភិបាលសម្រេចបង្កើត ស្ថានឯកអគ្គរាជទូតកម្ពុជា ប្រចាំប្រទេសទីម័រឡេស្ដេ ដែលមាននិវេសនដ្ឋាន នៅទីក្រុងឌីលី

រដ្ឋមន្ដ្រី៖សារព័ត៌មានអនឡាញដែលយកលុយពីកន្លែងជល់មាន់ឬបទល្មើសផ្សេងៗនឹងនាំឱ្យខ្លួនប្រឈមផ្លូវច្បាប់ សារព័ត៌មានអនឡាញដែលដាក់ខែជាមួយកន្លែងជល់មាន់ កន្លែងលក់ឆ្នោត បទល្មើសផ្សេងៗ មានន័យថាពួកគេយកលុយពីទីតាំងទាំងអស់នេះជាថ្នូរនឹងការមិនផ្សព្វផ្សាយ អំពើបែបនេះនឹងធ្វើឱ្យពួកគេប្រឈមមុខចំពោះផ្លូវច្បាប់។ ប្រឈមមុខផ្លូវច្បាប់ ព្រោះជាការគប់គិតជាមួយនឹងបទល្មើសដែលរំលោភបំពានក្រមសីលធម៌វិជ្ជាជីវៈ។ នេះជាការគូសបញ្ជាក់របស់លោក នេត្រ ភត្ដ្រា រដ្ឋមន្ដ្រីក្រសួងព័ត៌មាន នៅក្នុងវេទិកានិពន្ធនាយកសារព័ត៌មានកម្ពុជាលើកទី២១ ប្រព្រឹត្ដទៅនាព្រឹកថ្ងៃទី២១ ខែធ្នូ ឆ្នាំ២០២៤។

សត្វព្រៃកម្រ និងជីវចម្រុះច្រើនប្រភេទ មានវត្តមាននៅតំបន់ប្រើប្រាស់ច្រើនយ៉ាងសំឡូត ខេត្តបាត់ដំបង បើយោងតាមសេចក្តីប្រកាសព័ត៌មានរួម ស្តីពីការសិក្សាស្រាវជ្រាវនៅតំបន់ប្រើប្រាស់ច្រើនសំឡូត នាថ្ងៃទី១០ ខែធ្នូនេះ បានអោយដឹងថា ការសិក្សាស្រាវជ្រាវជីវៈចម្រុះ នៅក្នុងតំបន់ប្រើប្រាស់ច្រើនយ៉ាងសំឡូត ក្នុងខេត្តបាត់ដំបង និងខេត្តប៉ៃលិន ប្រទេសកម្ពុជា បានរកឃើញនូវសត្វព្រៃជាច្រើនប្រភេទ រួមមានសត្វឥតឆ្អឹងកង ឧរង្គសត្វ ថលជលិកសត្វ សត្វស្លាប និងថនិកសត្វ ដែលសបញ្ជាក់ពីសារៈសំខាន់នៃប្រព័ន្ធអេកូឡូស៊ីនៅក្នុងតំបន់នេះ។ ចំណែកការសិក្សាដោយម៉ាស៊ីនថតស្វ័យប្រវត្តិ បានកត់ត្រាសត្វព្រៃចំនួន ៤៤ប្រភេទ ក្នុងនោះមាន ថនិកសត្វ ២៨ប្រភេទ និង សត្វស្លាប ១៥ប្រភេទ។ ក្នុងចំណោមប្រភេទសត្វទាំងនោះ មាន១២ ប្រភេទ ជាប្រភេទរងការគំរាមកំហែងនៅក្នុងបញ្ជីក្រហមរបស់អង្គការ IUCN ១ប្រភេទ ជាប្រភេទជិតផុតពូជបំផុត ៣ប្រភេទជាប្រភេទជិតផុតពូជ និង៨ប្រភេទទៀតជាប្រភេទងាយរងគ្រោះថ្នាក់៕

សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រគេនគណៈប្រតិភូព្រះសង្ឃខ្មែរក្រោម និមន្តជួបសម្ដែងការគួរសម និងសំណេះសំណាល នាភូមិគ្រឹះក្រុងតាខ្មៅ ខេត្តកណ្តាល អំឡុងពេលដែលគណៈប្រតិភូព្រះសង្ឃខ្មែរក្រោម មកពីខេត្តត្រាវិញ និមន្តបំពេញទស្សនកិច្ចនៅកម្ពុជា រយៈពេល១សប្តាហ៍ នារសៀលថ្ងៃទី២៦ ខែវិច្ឆិកា ឆ្នាំ២០២៤៕

សារលិខិតជូនពរ របស់ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ សូមគោរពជូន សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា ក្នុងឱកាសដែល សម្តេចតេជោ ត្រូវបានសភាអន្តរជាតិ ដើម្បីការអត់ឱន និងសន្តិភាព ( IPTP )នៃក្រុមប្រឹក្សាសកលដើម្បីអត់ឱន និងសន្តិភាព ( GCTP ) ប្រគល់ “ ពានរង្វាន់មេដាយសន្តិភាពដើម្បីមនុស្សជាតិ និងភពផែនដី ” នាសម័យប្រជុំពេញអង្គលើកទី១១ របស់ IPTP ដែលប្រព្រឹត្តទៅនៅថ្ងៃទី២៣-២៥ ខែវិច្ឆិកា ឆ្នាំ២០២៤ នៅរាជធានីភ្នំពេញ

កម្ពុជា និងវៀតណាម ឯកភាពរួមគ្នាពង្រឹងវិស័យសន្ដិសុខសណ្ដាប់ធ្នាប់ ប្រឆាំងបទល្មើសឆ្លងដែនខុសច្បាប់   ភ្នំពេញ៖ ឯកឧត្ដម សន្ដិបណ្ឌិត នេត សាវឿន ឧបនាយករដ្ឋមន្ដ្រី និងជាប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងលោកឧត្តមសេនីយ៍ឯកបម្រុង ត្រឹន គ្វក់ត័រ អនុរដ្ឋមន្ដ្រីក្រសួងនគរបាល នៃសាធារណៈរដ្ឋសង្គមនិយមវៀតណាម បានឯកភាពគ្នាពង្រឹងទំនាក់ទំនងវិស័យសន្ដិសុខ សណ្ដាប់ធ្នាប់ និងទប់ស្កាត់ បង្ការ ប្រឆាំងបទល្មើសឆ្លងដែនខុសច្បាប់ ឲ្យកាន់តែមានប្រសិទ្ធភាពខ្ពស់បន្ថែមទៀត។ ការឯកភាពគ្នានេះ ធ្វើឡើងនៅក្នុងជំនួបសម្តែងការគួរសម និងពិភាក្សាការងារ រវាងថ្នាក់ដឹកនាំទាំងពីរ នៅសាលសវនាការ ឯកឧត្ដម សន្តិបណ្ឌិត អគារមិត្តភាព ទីស្តីការគណៈរដ្ឋមន្រ្តី៕

ច្បាប់ ស្តីពី “និរាករណ៍ច្បាប់ស្តីពីការអនុម័តយល់ព្រមលើ កិច្ចព្រមព្រៀងស្តីពីការជំរុញ និងសម្រួល ពាណិជ្ជកម្មតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម”

នៅព្រឹកថ្ងៃទី២១ ខែវិច្ឆិកា ឆ្នាំ២០២៤ សម្តេចធិបតី ហ៊ុន ម៉ាណែត អញ្ជើញចូលរួមប្រគល់សញ្ញាបត្រថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ជូនដល់និស្សិតជ័យលាភីសរុបចំនួន ៨ ៣៣៩ អង្គ/នាក់ នៃសាកលវិទ្យាល័យភូមិន្ទភ្នំពេញ។ សម្តេចធិបតី ហ៊ុន ម៉ាណែត ថ្លែងថា ៖ វិស័យអប់រំនៅកម្ពុជា បានឈានឡើងដល់កម្រិតមួយ ដែលអាចធានាបានទាំងបរិមាណ និងគុណភាពសម្រាប់បំពេញសេចក្តីត្រូវការនៃការអភិវឌ្ឍធនធានមនុស្សស្របតាមអាជីព និងទីផ្សារការងារ។  ជាមួយគ្នានេះ លទ្ធផលជាទីមោទនៈដែលសាកលវិទ្យាល័យភូមិន្ទភ្នំពេញ ក៏ដូចជា ក្រសួងអប់រំ យុវជន និងកីឡាសម្រេចបានកន្លងមកនេះ គឺជាការរួមចំណែកយ៉ាងសំខាន់នៅក្នុងការអនុវត្តកំណែទម្រង់ស៊ីជម្រៅនៃវិស័យអប់រំ និងជំរុញការបង្កើតមូលធនមនុស្សក្នុងគោលដៅ បង្កើតឡើងនូវសង្គមកម្ពុជាមួយ ដែលមានប្រជាជនប្រកបដោយចំណេះដឹងខ្ពស់ និងមានវប្បធម៌ ជ្រៅជ្រះ ក៏ដូចជាបង្កើតផលិតភាពឱកាសការងារ និងភាពប្រកួតប្រជែងរបស់កម្ពុជានៅក្នុងសមាហរណកម្មសេដ្ឋកិច្ចតំបន់ និងសេដ្ឋកិច្ចសកល៕