នាព្រឹកថ្ងៃព្រហស្បតិ៍ ទី១៦ ខែមករា ឆ្នាំ២០២៥នេះ ឯកឧត្តមនាយឧត្តមសេនីយ៍ ស ថេត អគ្គស្នងការនគរបាលជាតិ ដឹកនាំកិច្ចប្រជុំដកពិសោធន៍ការងារគ្រប់គ្រងសន្តិសុខឯកជន រវាងអគ្គស្នងការដ្ឋាននគរបាលជាតិ និងក្រុមហ៊ុនផ្តល់សេវាសន្តិសុខឯកជន សហគ្រាស គ្រឹះដ្ឋានជ្រើសរើសភ្នាក់ងារសន្តិសុខឯកជន និងណែនាំវិធានការរក្សាសន្តិសុខ សណ្តាប់ធ្នាប់ សុវត្ថិភាព ក្នុងឱកាសពិធីបុណ្យចូលឆ្នាំថ្មី ប្រពៃណីចិន វៀតណាម៕
អគ្គស្នងការដ្ឋាននគរបាលជាតិនិងមជ្ឈមណ្ឌលសកម្មភាពកំចាត់មីនកម្ពុជា(CMAC) ចុះ MOU លើការហ្វឹកហ្វឺនជំនាញបច្ចេកទេសបញ្ជាសុនខ និងការផ្គត់ផ្គង់សុនខ ភ្នំពេញ: ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយក មជ្ឈមណ្ឌលសកម្មភាពកំចាត់មីនកម្ពុជា (CMAC) បានចុះអនុស្សរណៈនៃការយោគយល់គ្នាស្ដីពីកិច្ចសហប្រតិបត្តិការលើការហ្វឹកហ្វឺនជំនាញបច្ចេកទេសបញ្ជាសុនខនិងការផ្គត់ផ្គង់សុនខជំនាញបច្ចេកទេសដើម្បីកាត់បន្ថយគ្រោះថ្នាក់ដោយសារមីន និងសំណល់ជាតិផ្ទុះពីសង្គ្រាម ជាពិសេសការប្រឆាំងភេរវកម្មនិងគ្រឿងញៀនជាដើម។ ការចុះអនុស្សរណៈនៃការយោគយល់គ្នា ធ្វើឡើងនាព្រឹកថ្ងៃទី១៤ ខែមករាឆ្នាំ ២០២៥នេះ នៅទីស្ដីការក្រសួងមហាផ្ទៃ ដែលមានការចូលរួមពីថ្នាក់ដឹកនាំជាន់ខ្ពស់ នៃស្ថាប័នទាំងពីរ៕
រដ្ឋបាលរាជធានីភ្នំពេញ សេចក្តីជូនដំណឹងស្តីពីការបញ្ចៀសចរាចរ និងផ្អាកកំពង់ចម្លងជ្រោយចង្វារភ្នំពេញ និងកំពង់ចម្លងអរិយក្សត្រភ្នំពេញ ជាបណ្តោះអាសន្ន ក្នុងអំឡុងពេលប្រារព្ធពិធីមីទ្ទិញ អបអរសាទរខួបអនុស្សាវរីយ៍លើកទី៤៦ នៃទិវាជ័យជម្នះ ៧មករា រដ្ឋបាលរាជធានីភ្នំពេញ សូមជម្រាបជូនដំណឹងដល់បងប្អូនប្រជាពលរដ្ឋទាំងអស់ឱ្យបានជ្រាបថា នៅថ្ងៃ ទី០៧ ខែមករា ឆ្នាំ២០២៥ វេលាម៉ោង ០៧:៣០នាទី គណៈកម្មាធិការជាតិរៀបចំបុណ្យជាតិ-អន្តរជាតិ នឹង រៀបចំប្រារព្ធពិធីមីទ្ទិញអបអរសាទរខួបអនុស្សាវរីយ៍លើកទី៤៦ នៃទិវាជ័យជម្នះ ៧មករា (០៧-មករា-១៩៧៩ ~០៧-មករា-២០២៥) នៅទីធ្លាមុខសាលមហោស្រពកោះពេជ្រ ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ៕
គ្រោះថ្នាក់ចរាចរណ៍ បង្កទៅជាហិង្សាបណ្ដាលបុរស ម្នាក់បាក់ធ្មេញ ភ្នំពេញ ៖ បុរស២នាក់បើករថយន្ត២គ្រឿងវ៉ាជែងគ្នាហើយមកទាក់កញ្ចក់រថយន្តមើលចំហៀងខាងឆ្វេងក៏បុរសបើករថយន្តដឹកទំនិញឃ្លុបធន់ធំទៅវ៉ៃបុរសបើករថយន្តកូរ៉េឃ្លុបធន់តូចបណ្ដាលរងរបួសហើមមុខនិងបាក់ធ្មេញ។ ហេតុការណ៍នេះបង្កការភ្ញាក់ផ្អើលដល់សមត្ថកិច្ចចុះអន្តរាគមន៍នាំយកមកប៉ុស្តិ៍ដើម្បីសាកសួរ កាលម៉ោង១០និង៤០នាទីព្រឹកថ្ងៃទី០៣ ខែ មករា ឆ្នាំ ២០២៥នៅចំណុចស្តុបស្ថានទូតចិន តាមផ្លូវម៉ៅសេទុងកែងផ្លូវ១៧៣ ស្ថិតនៅភូមិ៧ សង្កាត់ ទួលស្វាយព្រៃទី១ ខណ្ឌបឹងកេងកង៕
អភិបាលរង ខណ្ឌចំការមន ដឹកនាំអាជ្ញាធរមូលដ្ឋានបន្តរៀបសណ្ដាប់ធ្នាប់កន្លែងលក់និងតំឡើងរទេះដែក ភ្នំពេញ ៖ លោក ជិន វិចិត្រ អភិបាលរងខណ្ឌចំការមន រួមនិងអាជ្ញាធរមូលដ្ឋានប៉ុស្តិ៍នគរបាលរដ្ឋបាលចរាចរណ៍សណ្ដាប់ធ្នាប់ដើម្បីបន្តការណែនាំនិងរៀបចំសណ្ដាប់តាមបណ្ដោយផ្លូវ២៧១មានចំនួន២សង្កាត់ សង្កាត់ទួលទំពូងទី២ សង្កាត់ ផ្សារដើមថ្កូវត់កន្លែងដែលពិបាកស្មុកស្មាញការដាក់តាំងនិងតំឡើងរទេះដែកនិងរំលោភយកចិញ្ចើមផ្លូវថ្មើរជើងខ្លាំងជាងគេនៅចំណុចផ្លូវ២៧១ សង្កាត់ ផ្សារដើមថ្កូវ ខណ្ឌចំការមន រាជធានីភ្នំពេញ៕
រដ្ឋមន្ដ្រី៖សារព័ត៌មានអនឡាញដែលយកលុយពីកន្លែងជល់មាន់ឬបទល្មើសផ្សេងៗនឹងនាំឱ្យខ្លួនប្រឈមផ្លូវច្បាប់ សារព័ត៌មានអនឡាញដែលដាក់ខែជាមួយកន្លែងជល់មាន់ កន្លែងលក់ឆ្នោត បទល្មើសផ្សេងៗ មានន័យថាពួកគេយកលុយពីទីតាំងទាំងអស់នេះជាថ្នូរនឹងការមិនផ្សព្វផ្សាយ អំពើបែបនេះនឹងធ្វើឱ្យពួកគេប្រឈមមុខចំពោះផ្លូវច្បាប់។ ប្រឈមមុខផ្លូវច្បាប់ ព្រោះជាការគប់គិតជាមួយនឹងបទល្មើសដែលរំលោភបំពានក្រមសីលធម៌វិជ្ជាជីវៈ។ នេះជាការគូសបញ្ជាក់របស់លោក នេត្រ ភត្ដ្រា រដ្ឋមន្ដ្រីក្រសួងព័ត៌មាន នៅក្នុងវេទិកានិពន្ធនាយកសារព័ត៌មានកម្ពុជាលើកទី២១ ប្រព្រឹត្ដទៅនាព្រឹកថ្ងៃទី២១ ខែធ្នូ ឆ្នាំ២០២៤។
សត្វព្រៃកម្រ និងជីវចម្រុះច្រើនប្រភេទ មានវត្តមាននៅតំបន់ប្រើប្រាស់ច្រើនយ៉ាងសំឡូត ខេត្តបាត់ដំបង បើយោងតាមសេចក្តីប្រកាសព័ត៌មានរួម ស្តីពីការសិក្សាស្រាវជ្រាវនៅតំបន់ប្រើប្រាស់ច្រើនសំឡូត នាថ្ងៃទី១០ ខែធ្នូនេះ បានអោយដឹងថា ការសិក្សាស្រាវជ្រាវជីវៈចម្រុះ នៅក្នុងតំបន់ប្រើប្រាស់ច្រើនយ៉ាងសំឡូត ក្នុងខេត្តបាត់ដំបង និងខេត្តប៉ៃលិន ប្រទេសកម្ពុជា បានរកឃើញនូវសត្វព្រៃជាច្រើនប្រភេទ រួមមានសត្វឥតឆ្អឹងកង ឧរង្គសត្វ ថលជលិកសត្វ សត្វស្លាប និងថនិកសត្វ ដែលសបញ្ជាក់ពីសារៈសំខាន់នៃប្រព័ន្ធអេកូឡូស៊ីនៅក្នុងតំបន់នេះ។ ចំណែកការសិក្សាដោយម៉ាស៊ីនថតស្វ័យប្រវត្តិ បានកត់ត្រាសត្វព្រៃចំនួន ៤៤ប្រភេទ ក្នុងនោះមាន ថនិកសត្វ ២៨ប្រភេទ និង សត្វស្លាប ១៥ប្រភេទ។ ក្នុងចំណោមប្រភេទសត្វទាំងនោះ មាន១២ ប្រភេទ ជាប្រភេទរងការគំរាមកំហែងនៅក្នុងបញ្ជីក្រហមរបស់អង្គការ IUCN ១ប្រភេទ ជាប្រភេទជិតផុតពូជបំផុត ៣ប្រភេទជាប្រភេទជិតផុតពូជ និង៨ប្រភេទទៀតជាប្រភេទងាយរងគ្រោះថ្នាក់៕
អបអរសាទរ! ក្រមាខ្មែរ ត្រូវបានដាក់បញ្ចូលក្នុងបញ្ជីតំណាងនៃបេតិកភណ្ឌវប្បធម៌អរូបីនៃមនុស្សជាតិ របស់អង្គការយូណេស្កូ នៅទីក្រុង អាសង់ស្យុង៊ សារលិខិត សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ផ្ញើជូនជនរួមជាតិកម្ពុជា ដែល ក្រមាខ្មែរ បានដាក់បញ្ចូលក្នុងបញ្ជីតំណាងនៃបេតិកភណ្ឌវប្បធម៌អរូបីនៃមនុស្សជាតិ របស់អង្គការយូណេស្កូ នៅទីក្រុង អាសង់ស្យុង (Asunción) សាធារណរដ្ឋប៉ារ៉ាហ្គាយ (Republic of Paraguay)